أهلا وسهلا بك زائرنا الكريم في منتدى القرآن حياتنا | QuRaNoUrLiFe، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .






خلاص أنا بقيت أخت!!!!!

عفوا ..أنا بقيت أخت!!! بسم الله الرحمن الرحيم بصوا اسمحولي أتكلم شوية مع نفسي يعني اللي هايتكلم دلوقت ... أنا و نفس ..



05-03-2010 09:32 مساء
الياقوت والمرجان
معين على الخير
rating
معلومات الكاتب ▼
تاريخ الإنضمام : 09-30-2009
رقم العضوية : 250
المشاركات : 54
الجنس : ذكر
قوة السمعة : 10
 offline 

عفوا ..أنا بقيت أخت!!!






بسم الله الرحمن الرحيم



بصوا


اسمحولي أتكلم شوية مع نفسي

يعني اللي هايتكلم دلوقت ... أنا و نفسي

وانتوا مالكوش دعوة
............ ........
فاكرة الأيام دي ؟؟؟

أول ما لبستي حجاب شرعي سليم؟؟

و الناس كلها بقت بتقولك يا أخت فلانة
و بقيتِ لما تشوفي واحدة متبرجة بتروحي تكلميها ؟
و لما تلاقي سواق الميكروباص مشغل أغاني تديله شريط ؟؟
لما كنتِ بتمشي في الشارع وكتاب طلب العلم في شنطتك وماشية للمسجد وكأنك رايحة للجنة ؟؟
و لما كنتِ بتسجدي و تقعدي تتكلمي مع ربنا و تحكيله على كل اللي مزعلك و تشتكيله ؟؟

فاكرة المشاعر اللي كنتِ بتحسي بيها أيامها ..؟؟

كنتِ بتحسي إنك طايرة من الفرحة .. و إن الحياة كلها منورة .. و إنتِ ماشية في الشارع حاسة إن الشوارع و العمارات بتضحك و الدنيا فعلا شكلها اتغير
حتى لما تحصلِلك مشاكل
لما كنتِ بتقعدي وسط أصحابك وتلقيهم بينموا وتنصحيهم بيزعقولك ويقولولك ( وهو فيه إيه يعني دي شوية فضفضة )
كنتِ بتسبيهم و انتِ زعلانة على حالهم ولكن كنتِ بتبقي فرحانة إنك سبتي شيء لله و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء

فاكرة المشاعر دي

؟؟؟؟

لما كنتِ كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب


لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة
و لما كنتِ كل لما تيجي تشرب حاجة تدوري على حتة تقعدي فيها عشان تشربي وانتي قاعدة على السنة

فاكرة المشاعر دي؟؟؟؟

(مشاعر البداية)


؟؟؟

أمال إيه اللي حصل بعد كده ؟؟؟
كنتي في الأول بتستغربي من كلمة يا أخت و الكلام ده و تقولي أنا لسه ماوصلتش للحاجات دي

دلوقتي اتعودتي على الكلمة دي .. و لما حد بيقول يا أخت (حتى لو مايقصدكيش انتِ) بتبصي فاكرك بينادي عليكِ
دلوقت سمعتي شرايط كتير و حضرتي شوية دروس
و بدأت تصدقِ إنك أخت بجد
و الناس بقت بتسألكِ في الدين
و انتِ بقيتي بتفتي
و بقيتِي تقولي الشيخ فلان ده مبتدع
و الشيخ فلان ده ربنا يهديه
و بقيتِ تقولي: أصل ده مستحب
لا ده مش حرام ده مكروه
لا أصلِك مش فاهمة.. ده في مواضع تجوز فيها الغيبة
و بعد كده بدأتي تتخِلى عن حاجات كتير كنت بتعمِليها و تقولي أصلها مستحبة
و المرحلة اللي بعدها رجعتي لشوية معاصي و بقيتِ تنام عن صلوات و و.. و...
... بس برضه
..أنا لسه ( ملتزمة )

فاكرة مشاعرك في الفترة دي ؟؟؟

مشاعر ... مشاعر إيه ؟؟

مابقاش في مشاعر خلاص


أنا بقيت لما أسمع درس في الرقائق أقول الحاجات دي كلها أنا عارفاها و سمعتها قبل كده

أنا عديت المرحلة دي

و الصلاة خلاص اتعودت عليها و مابقتش باحس فيها بأي حاجة

مابقاش في أي مشاعر
فيييييييييييييييييييييييييين أيام زمان ..؟؟

طيب أمال المشاعر الحلوة بتاعة زمان دي راحت فين ؟؟؟

أنا هاقولِك
مشكلِتك إنِك عشتي الوهم
كذبتي كذبة كبيييييييييييرة و صدقِتيها


الكذبة دي هي كذبة:


أنا بقيت أخت

بس استنى بس و ماتقعديش تقولي لا ياستي انا لا أخت ولا حاجة ده أنا غلبانة و كلي ذنوب

دي الكذبة التانية

إنكِ حتى مع نفسِك من غير ماحد يبقى معاكِ بتكدبي و تقولي إنكِ شايفة نفسك ولا حاجة
و إنتِ من جواكِ شايفة نفسك حاااااااااااااجة كبيييييييييييييييييرة جداااااا
بس المصيبة إنِك مش عارفة كده
مش عارفة أِنك شايفة نفسك

موضوع معقد مش كده ؟؟
بس هي دي الحقيقة


شيخ الإسلام كان في عصره في شبهات كتير و كان هو بيتصدى لكل الشبهات دي و ليه كتب كتير في الرد على المبتدعة
بس شوفي الكلمة دي
كان بيقعد بعد صلاة الفجر في المسجد حتى يتعالى النهار يعني لحد الظهر و يقول:
(هذه غدوتي لو لم اتغدى هذه الغدوة لسقطت قواي)

و العلماء بيقولوا إن الكلام في الرجال و الرد على أهل البدع لو ماكانش صاحبه ليه حال مع ربنا يقسي القلب

عرفتِ ليه المشاعر راحت ؟؟

قال الإمام الذهبي:

(الكلام في الرجال لا يجوز إلا لتام المعرفة تام الورع)

يعني مش إنتِ خااااااااااالص

إنتِ تسكتي و تبص لحالك

إنتِ إيه حالِك مع ربنا
إيه حالِك في صيام النوافل و قيام الليل و الدعوة إلى الله
إنتِ صدقتي أنك أخت بجد ولا إيه؟!!!
لأ فوووووووووووووووووووووووووووووووقي

فوقي و حاولي تلحقي نفسِك قبل فوات الأوان

طيب أنا أعمل إيه دلوقت عشان أرجع الأيام دي تاني
-لازم أول حاجة تلجئى لربنا


خليكي قدام الباب و ألحي في الدعاء إنه يخلِصك من اللي انتِ وصلتيله ده

- ابعدِي نفسك عن أي مجال للجدال و الكلام عن أي حد مش موجود سواء مشايخ أو غيره حتى لو مخالفين للمنهج السلفي و لو يعني اتزنقتِ و انتِ مثلا بتدعي حد و بتكلميه مثلا عن الأغاني و قاللِك أصل الشيخ فلان قال تقوليله إن كل إنسان ممكن يغلط و مادام الأمر في نص من القرآن و السنة يبقى ماينفعش نقدم كلام أي حد على كلام ربنا و كلام الرسول صلى الله عليه و سلم وكده بس إوعي تغلطِ في الشيخ اللي قاللتلك عليه و والله ده هايعليكِ عند اللي قدامك دي
-لازم يبقى ليكي حال مع ربنا و ليكي ورد من العبادات تحاسبِ نفِسك عليه
- باختصار .. لازم تقفي مع نفسِك و تشوفي يومك اللي انتِ بتقضيه ده يوم واحدة ملتزمة ولا لأ .







أسأل الله أن يجعلنى وإياكم من أهل القرءان الذين هم أهل الله وخاصته

منقووول

توقيع :الياقوت والمرجان
{ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ }

فضلًا الردود للأخوات فقط

05-04-2010 06:56 صباحا
مشاهدة مشاركة منفردة [1]
مريم المصريه
معين على الخير
rating
معلومات الكاتب ▼
تاريخ الإنضمام : 08-21-2009
رقم العضوية : 12
المشاركات : 516
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
جزاك الله خيرا علي التذكرة
توقيع :مريم المصريه



عــودتـنــا للقـــرءان الكــريــم


عــودتــنــا للحـــيـــــاة


عودتـنـا لله القديرالذي خلقنا


05-04-2010 07:49 صباحا
مشاهدة مشاركة منفردة [2]
ام مريم
معين على الخير
rating
معلومات الكاتب ▼
تاريخ الإنضمام : 11-13-2009
رقم العضوية : 419
المشاركات : 94
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
ما شاء الله
فعلا في حاجات كتير من دي بتحصلنا كلنا واهمها التعود على الطاعه حتى اننا لم نعد نشعر بلذتها الاولىsad

ربنا يبارك فيكي وفي نقلك وفي من نقلتي عنها

اسال الله العظيم ان لا يحرمنا لذه عبادته وان لا يبعدنا عنه بذنوبنا

05-04-2010 10:50 صباحا
مشاهدة مشاركة منفردة [3]
تواقة للجنة
عضو فعال نشط
rating
معلومات الكاتب ▼
تاريخ الإنضمام : 05-03-2010
رقم العضوية : 1350
المشاركات : 21
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
بارك الله فيك اختي الغاليه ..

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

05-04-2010 03:16 مساء
مشاهدة مشاركة منفردة [4]
أم ياسر
جزاها الله خيرا
rating
معلومات الكاتب ▼
تاريخ الإنضمام : 08-24-2009
رقم العضوية : 37
المشاركات : 406
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
بارك الله فيك الياقوت لهذه التذكرة
نسال الله ان يجعلنا من اهله وخاصته ويحسن خاتمتنا
حفظك الله
توقيع :أم ياسر
رأيت العلم صاحبـه كريـم ولـو ولدتـه آبـاء لـئـام
وليس يزال يرفعه إلـى أن يعظم أمـره القـوم الكـرام
ويتبعونـه فـي كـل حـالٍ كراعي الضأن تتبعه السوام
فلولا العلم ما سعدت رجـال ولا عرف الحلال ولا الحرام

الشافعي



nabd

08-08-2010 01:54 صباحا
مشاهدة مشاركة منفردة [5]
الياقوت والمرجان
معين على الخير
rating
معلومات الكاتب ▼
تاريخ الإنضمام : 09-30-2009
رقم العضوية : 250
المشاركات : 54
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
وفيكم بارك الرحمن
جزاكم الله خيراً على مروركم الطيب
توقيع :الياقوت والمرجان
{ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ }

فضلًا الردود للأخوات فقط

08-08-2010 06:18 صباحا
مشاهدة مشاركة منفردة [6]
مى عادل
معين على الخير
rating
معلومات الكاتب ▼
تاريخ الإنضمام : 06-10-2010
رقم العضوية : 1535
المشاركات : 99
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
أول ما فتحت الموضوع لقيته طويل قلت " ياااااااه دا طويل قوى أنا لسه هأقرأ دا كله " بس الحمد لله أول ما بدأت أقرا فيه لقيته جميل جدا ما شاء الله وتمنيت لو كان أطول وبجد كلامه مفيد جدا
توقيع :مى عادل
ولو أن أهل العلم صانوه لصانهم

ولو عظموه في النفوس لعظما

ولكن أذلوه جهاراً ودنســـــــــوا

محياه بالأطماع حتى تجهمـا

08-08-2010 10:58 صباحا
مشاهدة مشاركة منفردة [7]
أم يمنى
مشرفه سابقة جزاها الله خيرا
rating
معلومات الكاتب ▼
تاريخ الإنضمام : 04-28-2010
رقم العضوية : 1325
المشاركات : 134
الجنس : أنثى
قوة السمعة : 10
 offline 
look/images/icons/i1.gif خلاص أنا بقيت أخت!!!!!

08-08-2010 06:27 مساء
مشاهدة مشاركة منفردة [8]
الياقوت والمرجان
معين على الخير
rating
معلومات الكاتب ▼
تاريخ الإنضمام : 09-30-2009
رقم العضوية : 250
المشاركات : 54
الجنس : ذكر
قوة السمعة : 10
 offline 
look/images/icons/i1.gif خلاص أنا بقيت أخت!!!!!
ماشاء الله يا منى اسعدتينى بكلمتك
وأسعدنى مرورك انت وأم يمنى
جزاكم الله خيراً
توقيع :الياقوت والمرجان
{ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ }

فضلًا الردود للأخوات فقط



المواضيع المتشابهه
عنوان الموضوع الكاتب الردود الزوار آخر رد
خلاص أنا بقيت أخت!!!!! أم يمنى
0 857 أم يمنى

الكلمات الدلالية
لا يوجد كلمات دلالية ..


 







الساعة الآن 01:45 مساء